قال انفخ يا كرييتڤ قال ما من بريف

طيب يمكن هالموضوع هو أكثر شي يؤرق مضجع أي كرييتڤ! تقول لي ليش الكرييتڤ بس؟ ليش مو مدراء المشاريع ومطوري الأعمال مثلاً؟ لأن غالبًا هؤلاء الأقسام يؤرق مضجعهم أشياء ثانية مثل تعميد العميل، تحويل الفلوس، التسليم على الوقت، تقفيل مشروع.. وخالص. واضح المقال هذا يستهدف مني! ليش يا عزيزي مدير المشروع ومطور الأعمال لازم يقض مضجعك عدم وضوح البريف؟ وأنك ما ترفعه في أسانا بدون ما تتأكد أنك فاهم أو مش فاهم؟ لأن بكل بساطة عدم وضوح البريف سيسبب لك مشاكل في كل ما يقض مضجعك وهو: تعميد العميل، تحويل الفلوس، التسليم عالوقت، تقفيل المشروع كل أبوه. طيب وش السواة؟ الخطة يا صديقي كالتالي، جاوب على هذه الأسئلة وتعرف إذا عندك بريف يستحق المشاركة: أولاً تعرف وش يبون؟ حجم الحملة؟ الميزانية؟ ثانياً وقت التسليم؟ ووقت إطلاق الحملة الفعلي. ثالثاً فهمت الرسالة زين؟ حركت فيك تساؤلات وشعرت بتحدي حلو في الرسالة؟ حسيت أنك فاهم وش يبون ومتحمس للفكرة؟