قد هيؤوك لأمر لو فطنت له

الحياة مليانة دروس، أصعب مما نتوقع وكل ما كبرنا كبرت مشاكلنا. إلهام اليوم مختلف شوي، قصيدة تختصر الكثير من اللي في البال، اقروها زين فكروا في معانيها، خذوا نفس عميق ومن فترة لفترة ارجعوا لها، لأن الذكرى تنفع، ولأننا ننسى.
الزبدة يقول الشاعر عبدالله بن علّوش:
على حسب ما مرني وتجارب أولين
وجهة نظر، ويجوز فيها الاتفاق والانقسام
اترك مسافة كافية بينك وبين الآخرين
بعض البشر ودك حدود المعرفة معهم سالم
اصمت، ولا تحرص على كثر الكلام، الصمت زين
اللي سكوته ساتره يمكن يعريه الكلام
وإذا تكلمت احذر تكون أطول المتكلمين
السالفة لا طوّلت يضعف معاها الاهتمام
امزح والمزح باللسان أخير من مزح اليدين
مزح الرجال العاقله على حدود الاحترام
اضحك ولا تضحك برفع الصوت، رفع الصوت شين
من الأدب والذوق عند الضحك ضحك بابتسام
اكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام
احلم ولا تعجّل ولا تغضب ولا تشري بدين
وشاور ولو رأيك معك لا شرت عداك الملام
وإذا شريت بدين لا تبطي على المتجملين
كلٍ حلاله غالٍ عنده لو إنه ما يسام
لا جاك مديونك معه بعض الوفاء وبعضه الحين
فاستد باللي جاك وش دراك الله الدوام
ترى التغافل فيه لذّة وانشد المتغافلين
إن جات كلمة توجع اطلقها مع سرب الحمام
وارضى ليا جاك الرضى لو العذر ما هو سمين
ترى التسامح ميزة السادة رفيعين المقام
واصدق مع نفسك وتلقى نفسك من الصادقين